పల్లవి:
నిను చూసే కన్నులు - నాకు ఇమ్మయ్యా
నిను పిలిచే పెదవులు - ఇమ్ము యేసయ్యా (2)
నిను చేరే పాదములు - నాకు ఇవ్వయ్యా
నీ మాట వినే చెవులు - ఇమ్ము యేసయ్యా ॥నిను॥
1. కన్నీటి ప్రార్థన - నాకు నేర్పయ్యా
ఆత్మల సంపద - నాకు ఇవ్వయ్యా (2)
నీ కొరకే జీవించే - సాక్షిగా మార్చయ్యా
నాలోనే నిను చూపే - మాదిరి నివ్వయ్యా ॥నిను చూసే॥
2. అందరితో సఖ్యత - ఇమ్ము యేసయ్యా
మృదువైన మాటతీరు - నాకు ఇవ్వయ్యా 2)
కోపతాపములను - దూరపరచయ్యా
అందరినీ క్షమియించే - మనస్సు ఇవ్వయ్యా ॥నిను చూసే॥
3. లోతైన ఆత్మీయత - నాకు ఇమ్మయ్యా
లోబడుట నాకు - నేర్పు యేసయ్యా (2)
లోపములన్ గ్రహించే - కృపను ఇమ్మయ్యా
లోకాన్ని జయించే - జీవిత మివ్వయ్యా ॥నిను చూసే॥