పల్లవి:
యేసయ్యా ... నిన్ను చూడాలని ఆశ
మెస్సయ్యా ... నిన్ను చేరాలని ఆశ (2)
ఎవరు ఉన్నారు నాకు ఈ లోకములో
ఎవరు ఉంటారు తోడు నా జీవితమందు
ఇమ్మానుయేలైనా నా దైవం నీవేగా (2) ॥యేసయ్యా॥
1. అందరు ఉన్నారని అందరు నా వారని
తలచితిని భ్రమసితిని – చివరికి ఒంటరి నేనైతిని
నా గానం నీవయ్యా నా ధ్యానం నీవయ్యా
నా ప్రాణం నీవయ్యా నా సర్వం నీవయ్యా ॥యేసయ్యా॥
2. అంధకారములో - అంధుడ నేనైతిని
నిను చూచే నేత్రములు నా కొసగుమా నజరేయుడా
నా ఆశ నీవయ్యా - నా ధ్యాస నీవయ్యా
నా భాష నీవయ్యా - నా శ్వాస నీవయ్యా ॥యేసయ్యా॥