పల్లవి:
దినమెల్ల నే పాడినా కీర్తించినా - నీ ఋణము నే తీర్చగలనా
కొనియాడి పాడి నీ సాక్షిగా - నే ఇలలో జీవించనా(2)
1. గాయపడిన సమయాన మంచి సమరయునిలా
నా గాయాలు కడిగిన దేవా - ఆకలైన వేళలో
ఆహారమిచ్చి - నన్ను పోషించినావు దేవా
నిను విడువనూ ... ఎడబాయననినా ... (2) నా యేసయ్యా ॥ది॥
2. నా బలహీనతయందు నా సిలువను మోస్తూ
నిన్ను పోలి నేను నడిచెదన్ - వెనుకున్నవి మరచి
ముందున్నవాటికై - సహనముతో పరుగెత్తెదన్
ఉన్నత పిలుపునకు కలుగు బహుమానము (2) నేను పొందాలని ||ది॥