పల్లవి:
జీవితమంటే మాటలు కాదు చెల్లెమ్మా
మనిషి మనిషిని నమ్మే రోజులు కావమ్మా
ఇవి మనిషి మనిషిని నమ్మే రోజులు కావమ్మా (2)
॥జీవిత॥
1. నమ్ముకున్నాడు యోసేపు - అమ్ముకున్నారు అన్నలూ
నమ్ముకున్నాడు ఏశావు - మోసగించాడు యాకోబు (2)
నీ అన్నల నమ్మేకంటే.......
నీ అన్నల నమ్మేకంటే - అన్న యేసునే నమ్ముకో
రాజ్యము నీదే యేలుకో - పరలోకం నీదే యేలుకో ॥జీవిత॥
2. నమ్ముకున్నాడు యేసయ్యా - అమ్ముకున్నాడు శిష్యుడు = పాపుల కొరకై వచ్చాడమ్మా - ప్రాణాలే తీసారమ్మా (2)
ఈ మనుషులలోనే......
ఈ మనుషులలోనే మమతలు లేవు- మంచితనానికి రోజులు లేవు
సమయము మనకు లేదమ్మా - యిక త్వరపడి యేసును చేరమ్మా ॥జీవిత॥
3. నమ్మకమైనవాడు - ఉన్నాడు మన దేవుడు = నమ్మదగినవాడు - వస్తాడు త్వరలోనే (2)
ఆ యేసుని రాకముందే......
ఆ యేసుని రాకముందే - మారుమనస్సు పొందుమా ప్రభువు చెంతకు చేరుమా - నీవు రక్షణ భాగ్యం పొందుమా ॥జీవిత॥