పల్లవి:
ఎంత దీనాతి దీనమో (2)
ఓ యేసయ్యా - నీ జనన మెంత దయనీయమో
తలచుకుంటె నా గుండె తడబడికరిగి కరిగి నీరగుచున్నది
ఎంత దీనాతి దీనమో - ఓ యేసయ్యా
నీ జనన మెంత దయనీయమో
తలచుకుంటె నా గుండె తడబడి - కరిగి కరిగి నీరగుచున్నది
1. నీ సృష్టిలో ఈ లోకమే - నీవు మాకు ఇచ్చినా సత్రమయ్యా (2)
ఆ సత్రములో ఓ యేసయ్యా - నీకు స్థలమే దొరకలేదయ్యా (2)
||ఎంత||
2. నిండు చూలాలు మరియమ్మ తల్లి
నడువలేక సుడివడి పోయేనయ్యా (2)
దిక్కు తోచక ఓ యేసయ్యా - పశువుల పాకలో ప్రసవించెనయ్యా (2)
||ఎంత||
3. చల్లగాలిలో చాటు లేక - నలుమూలలా చలిపుట్టెనయ్యా (2)
పసికందువై ఓ యేసయ్యా - తల్లి ఒడిలో ఒదిగి నావయ్యా (2)
||ఎంత||