పల్లవి:సిలువలో బలియైన - దేవుని గొఱ్ఱపిల్ల
విలువైన నీ ప్రేమన్ - వివరింతున్ శ్రీ యేసు
విలువైన నీ ప్రేమన్ - వివరింతున్ శ్రీ యేసు
1. ఆనాటి యూదులే నిను జంపి రనుకొంటిన్
కాదు కాదయ్యయ్యో - నా పాప ఋణమునకే ॥సిలువలో॥
కాదు కాదయ్యయ్యో - నా పాప ఋణమునకే ॥సిలువలో॥
2. నా యతిక్రమములకై - నలుగ గొట్టబడి
నా దోషముల నీవు - ప్రియముగను మోసితివా ॥సిలువలో॥
నా దోషముల నీవు - ప్రియముగను మోసితివా ॥సిలువలో॥
3. మృదువైన నీ నుదురు ముండ్ల పోట్లచేత
సురూపమును లేక - సోలి పోతివా ప్రియుడా ॥సిలువలో॥
సురూపమును లేక - సోలి పోతివా ప్రియుడా ॥సిలువలో॥
4. నా రోగములు నీపై - నమ్రతతో భరియించి
తృణీకరింపబడి - ప్రాణ మర్పించితివి ॥సిలువలో॥
తృణీకరింపబడి - ప్రాణ మర్పించితివి ॥సిలువలో॥
5. వ్యసనా క్రాంతుడవుగా - వ్యాధి ననుభవించి
మౌనము ధరించి – మరణమైతివా ప్రభువా ॥సిలువలో॥
మౌనము ధరించి – మరణమైతివా ప్రభువా ॥సిలువలో॥
6. నా పాప దోషముచే - నే చచ్చి యుండగనే
మరణమై నా కొరకు - మరి తిరిగి లేచితివి ॥సిలువలో॥
మరణమై నా కొరకు - మరి తిరిగి లేచితివి ॥సిలువలో॥
7. పరమున కెత్తబడిన - ప్రియ యేసూ నీ రాకడకై
పదిలముగ కనిపెట్టి - పాడెదను హల్లెలూయ ॥సిలువలో॥
పదిలముగ కనిపెట్టి - పాడెదను హల్లెలూయ ॥సిలువలో॥