పల్లవి:
మనకై యేసు మరణించే - మన పాపములకొరకే
నిత్యజీవము నిచ్చుటకే - సత్యుండు సజీవుడాయే
1. తృణీకరింపబడె - విసర్జింపబడెను
దుఃఖాక్రాంతుడాయె - వ్యసనముల భరించెను ॥మనకై॥
2. మన వ్యసనముల వహించెన్ - మన దుఃఖముల భరించెన్
మన మెన్నిక చేయకయే - మన ముఖముల ద్రిప్పితిమి ॥మనకై॥
3. మన యతిక్రమముల కొరకు - మన దోషముల కొరకు
మన నాథుడు శిక్షనొందె - మనకు స్వస్థత కలిగె ॥మనకై॥
4. గొర్రెలవలె తప్పితిమి పరుగిడితిమి మన దారిన్
అరుదెంచె కాపరియై - అర్పించె ప్రాణమును ॥మనకై॥
5. దౌర్జన్యము నొందెను - బాధింపబడెను
తన నోరు తెరువలేదు - మనకై క్రయధన మీయ్యన్ ॥మనకై॥
6. ఎదిరింప లేదెవరిన్ లేదే కపటము నోట
యెహోవా నలుగ గొట్టెన్- మహా వ్యాధిని కలిగించెన్ ॥మనకై॥
7. సిలువలో వ్రేలాడెన్ - సమాధిలో నుండెన్
సజీవుడై లేచెన్ – స్తోత్రములు హల్లెలూయా ... ||మనకై||