పల్లవి:
పరవాసినినే జగమున ప్రభువా - నడుచుచున్నాను నీ దారిన్
నా గురి నీవే నా ప్రభువా - నీ దరినే చేరెదను నేను - నీ
దరినే చేరెదను
1. లోకమంతా నాదని యెంచి - బంధు మిత్రులే ప్రియులనుకొంటిని (2)
అంతయు మోసమేగా - వ్యర్థము సర్వము ఇలలో - వ్యర్థము సర్వమును ||పర||
2. ధన సంపదలు, గౌరవములు - దహించిపోవు ఈ లోకములో (2)
పాపము నిండె జగములో - శాపము చేకూర్చుకొనే - లోకము శాపము చేకూర్చుకొనే ॥పర||
3. తెలుపుము నా అంతము నాకు - తెలుపుము నా ఆయువు యెంతో (2)
తెలుపుము యెంత అల్పుడనో - విరిగి నలిగియున్నాను - నేను విరిగి నలిగియున్నాను ॥పర॥
4. ఆ దినము ప్రభు గుర్తెరిగితిని - నీ రక్తముచే మార్చబడితిని (2)
క్షమాపణ పొందితివనగా మహానందము కలిగె నాలో మహానందము కలిగె ॥పర॥
5. యాత్రికుడనే యీ లోకములో - సిలువ మోయుచు సాగెద నిలలో (2)
అమూల్యమైన ధనముగా - పొందితిని యేసును పొందితిని నేను ||పర||