808. అతిపరిశుద్ధమైన విశ్వాసము

విశ్వాసము లేకుండా దేవునికి ఇష్టులైయుండుట అసాధ్యము విశ్వాసము ద్వారా మన పితరులెందరో రాజ్యాన్ని జయించినారు ...

1.  హానోకు తన మరణము చూడకుండ పరమునకు ఎత్తబడి పోయెనుగా ఎత్తబడక మునుపే దేవునికి ఇష్టుడైయుండినట్లు సాక్ష్యమొందెను ||విశ్వాసము ॥

2.  నోవహు దైవభయము గలవాడై దేవునిచే హెచ్చరింపబడినవాడై ఇంటివారి రక్షణకై ఓడను కట్టి నీతికే వారసుడని సాక్ష్యమొందెను ||విశ్వాసము॥

3.  మోషే దేవుని బహుమానము కొరకై ఐగుప్తు సుఖభోగాలను ద్వేషించి శ్రమలనుభవించుటయే భాగ్యమని స్థిరబుద్ధి గలవాడై సాక్ష్యమొందెను ||విశ్వాసము॥

4.  వీరందరు సాక్ష్యము పొందియున్నను మనము లేకుండా సంపూర్ణులు కారు అతి పరిశుద్ధమైన విశ్వాసముతో మరి శ్రేష్ఠమైన సీయోనుకే సిద్ధపడెదము ||విశ్వాసము॥