793. జుంటితేనెకన్న యేసునామమే మధురం

జుంటి తేనె ధారలకన్న యేసునామమే మధురం యేసయ్య సన్నిధి నే మరువజాలను జీవితకాలమంతా ఆనందించెద - యేసయ్యనే ఆరాధించెద

1.  యేసయ్య నామమే బహు పూజనీయము నాపై దృష్టి నిలిపి సంతుష్ఠిగ నను ఉంచి నన్నెంతగానో దీవించి - జీవజలపు ఊటలతో ఉజ్జీవింపజేసెనే ॥

2.  యేసయ్య నామమే బలమైన దుర్గము నా తోడై నిలిచి క్షేమముగా నను దాచి నన్నెంతగానో కరుణించి పవిత్ర లేఖనాలతో ఉత్తేజింపజేసెనే ॥

3.  యేసయ్య నామమే పరిమళ తైలము నాలో నివసించె సువాసనగా నను మార్చి నన్నెంతగానో ప్రేమించి - విజయోత్సవాలతో ఊరేగింపజేసెనే ॥