పల్లవి:
నీ ముఖము మనోహరము - నీ స్వరము మాధుర్యము
మనగలనా నిను వీడి క్షణమైన ||నీ ముఖమ||
1. నీవే నా తోడువై నీవే నా జీవమై - నా హృదిలోన నిలిచిన జ్ఞాపికవై
అణువణువున నీ కృప నిక్షిప్తమై - నను ఎన్నడు వీడని అనుబంధమై ||నీ ముఖమ||
2. నీవే నా శైలమై నీవే నా శృంగమై నా విజయానికే నీవు భుజబలమై
అనుక్షణమున శత్రువుకు ప్రత్యక్షమై నను వెనుదీయనీయక వెన్ను తట్టినావు ||నీ ముఖమ||
3. నీవే వెలుగువై నీవే ఆలయమై నా నిత్యత్వమునకు ఆద్యంతమై
అమరలోకాన శుద్ధులతో పరిచయమై నను మైమరచి నేనేమి చేసెదనో ||నీ ముఖమ||