పల్లవి:
యెహోవా నిన్ను పోలియున్న వారెవ్వరు
యేసువా నీకు సాటియైన వారెవ్వరు ||యెహోవ||
1. సృష్టికి ఆధారుడా అద్వితీయుడా
నిత్యము నివసించుచున్న సత్యదేవుడా
అందరిలో సుందరుడా కాంక్షనీయుడా
వందనములకర్హుడా పూజ్యనీయుడా ॥యెహోవా॥
2. పాపికొరకు ప్రాణమిడిన ప్రేమరూపుడా
లోక శాపమును మోసిన సిలువధారుడా
మరణపు కోరలు పీకిన విజయవీరుడా
శరణన్నచో కరుణచూపు పరంధాముడా ॥ యెహోవా॥
3. ఆదియు అంతములేని అగ్నినేత్రుడా
ఆదరించు నాధుడా స్తుతికి పాత్రుడా
కన్యక కడుపున బుట్టిన పరమపుత్రుడా
అన్యజనుల జతకట్టిన మంచి మిత్రుడా ॥యెహోవా॥