పల్లవి:
సర్వకృపానిధియగు ప్రభువా - సకల చరాచర సంతోషమా
స్తోత్రము చేసి స్తుతించెదను - సంతసముగ నిను పొగడెదను
హల్లెలూయా హల్లెలూయా… హల్లెలూయా హల్లెలూయా
హల్లెలూయా యని పాడెదను ఆనందముతో సాగెదను
1. ప్రేమించి నన్ను వెదకితివి - ప్రీతితో నను రక్షించితివి
పరిశుద్ధముగా జీవించుటకై - పాపిని నను కరుణించితివి ||సర్వ||
2. అల్పకాల శ్రమలనుభవింప - అనుదినము కృపనిచ్చితివి
నాథుని అడుగుజాడలలో - నడుచుటకు నను పిలిచితివి ||సర్వ||
3. మరణ శరీరము మర్పునొంది - మహిమ శరీరము పొందుటకై
మహిమాత్మతో నను నింపితివి - మరణ భయములను తీర్చితివి ||సర్వ||
4. భువినుండి శ్రేష్ట ఫలముగను - దేవునికి నిత్య స్వాస్థ్యముగా
భూజనములలోనుండి నన్ను - ప్రేమించి క్రయ ధనమిచ్చితివి ||సర్వ||
5. ఎవరూ పాడని గీతములు - యేసుతో నేను పాడుటకై
హేతువు లేకయే ప్రేమించెన్ - యేసుకు నేనేమివ్వగలన్ ||సర్వ||