పల్లవి:ఏదియది యేదియది యేదిరా మన దేశము పాదుకొన్న లౌకికునకు బహుళ దుఃఖ పాశము ||ఏదియది||
1. సిలోమను కొలను గల జీవన ప్రదేశము పాలు తేనె లొల్కు నట్టి పరమ కానాన్ దేశము ||ఏదియది||
2. ఆయతమై యున్నదది యమర జనుల కోసము సీయోనను పేరుగల శ్రీకరుని నివాసము ||ఏదియది||
3. జీవ ప్రవాహములు గల జీవుల స్వదేశము కేవల పరిశుద్ధమైన కెరు బుల స్వదేశము ||ఏదియది||
4. యేసు జన స్వాస్థ్య మిదే యిశ్రాయేలు దేశము మేసయ్య యను రాజుసదా మృతములిడు దేశము ||ఏదియది||
5. కోరికలు దీరునట్లు గొబ్బుననేఁ బోదురా చేరి సౌఖ్యమొంద మదిని స్ధిరతఁ బూని యుంటిరా ||ఏదియది||
6. మరణమును యోర్దాన్ నది మధ్యమందు గంటిరా తరుణమునేఁ గాచి దాని దాటిపోవ నుంటిరా ||ఏదియది||
7. కాలు ధరను నిల్వదది కండ్లుఁబడు దాకరా మేలుకొని యుంటిరా మేర దాట లేకరా ||ఏదియది||