పల్లవి:దేవదేవుని గొప్ప పురము పరలోకానందముక్రైస్తవ జీవితము యా పురము ||దేవ||
1. దేవుని పురము దేదీప్య కరము జీవ మందిరము జేగీయ గృహము ||దేవ||
2. పరిశుద్ధ పురము పరమార్థ కరము పరమ మందిరము పరదైసు పురము ||దేవ||
3. ఆనంద పురము ఆది నిరంతరము కాన దుస్తరము ఘన మనోహరము ||దేవ||
4. శృంగార పురము సుర చిర కరము బంగారు మెరము ప్రభల భాసురము ||దేవ||
5. వైభవ పురము వంద్య మప్పురము సౌభాగ్య కరము స్ఫటిక మందిరము ||దేవ||
6. కెంపు పాండురము కీర్తి బంధురము ఇంపౌ నగరము ఇదియే సుస్థిరము ||దేవ||
7. క్షుదలేని పురము సుక్షేమ కరము ముదము విస్తరము రొదలు దుస్తరము ||దేవ||
8. ఆశ్చర్య పురము ఆశ్రయ కరము నిశ్చయపరము నిజదేవ పురము ||దేవ||
9. మాణిక్య పురము మణుల గోపురము వీణెలు స్వరము విన మనోహరము ||దేవ||
10. సూర్యభాసురము చొరనట్టి పురము కార్య మబ్బురముఁ గావించు గరము ||దేవ||
11. సీయోను పురము శ్రేయస్సాగరము మాయ విధురము మరి సంపత్కరము ||దేవ||
12. ఇచ్చు నిబ్బరము యెరుషలేం పురము మెచ్చౌ నబ్బురము మెరయు మా పురము ||దేవ||