పల్లవి:కొనియాడఁ దరమె నిన్ను కోమల హృదయ కొనియాడఁ దరమె నిన్ను తనరారు దినకరుఁ బెనుతారలను మించు ఘనతేజమున నొప్పు కాంతిమంతుఁడ వీవు ||కొనియాడ||
1. ఖెరుబులు సెరుపులు మరి దూతగణములు నురుతరంబుగఁ గొలువ నొప్పు శ్రేష్ఠుఁడ వీవు ||కొనియాడ||
2. సర్వలోకంబులఁ బర్వు దేవుఁడ వయ్యు నుర్వి స్త్రీ గర్భాన నుద్భవించితి వీవు ||కొనియాడ||
3. విశ్వమంతయు నేలు వీరాసనుఁడ వయ్యుఁ పశ్వాళితోఁ దొట్టిఁ పండియుంటివి నీవు ||కొనియాడ||
4. దోసంబులను మడియు దాసాళిఁ గరుణించి యేసు పేరున జగతి కేగుదెంచితి నీవు ||కొనియాడ||
5. నరులయందునఁ గరుణ ధర సమాధానంబు చీకాలమును మహిమ పరఁగఁ జేయుదు వీవు ||కొనియాడ||
6. ఓ యేసు పాన్పుగ నా యాత్మఁ జేకొని శ్రేయముగ బవళించు శ్రీకర వరసుత ||కొనియాడ||