పల్లవి:
స్వఛ్చంద సీయోను వాసి సర్వాధికారి – కస్తూరి పూరాసి ఆ ... ఆ ... (2)
అనుపల్లవి:
వర్తమాన భూత భవి-ష్యత్కాల వాసి (2)
అల్ఫా ఒమేగ తానే (2)
ఆద్యంతము మన యేసే (2) ||స్వఛ్చంద||
1. ఇదిగో నేనొక నిబంధనను అద్భుతముల జేతున్ –
నీ ప్రజలందరి యెదుట (2)
పరిశోధింపజాలని మహా – పనులెల్ల ప్రభువే (2)
లెక్క లేని యద్భుతముల్ (2)
మక్కువతో చేయువాడు (2) ||స్వఛ్చంద||
2. సంగీతం నాదముల తోడ
సీయోను పురము – సొంపుగను చేరితిమి ఆ ... ఆ ... (2)
శాశ్వత సంతోషము మా – శిరములపై వెలసెన్ (2)
దుఃఖము నిట్టూర్పును పోయెన్ (2)
మిక్కిలి ఆనందము కల్గెన్ (2) ||స్వఛ్చంద||
3. నీలముల పునాదులు వేసి
నీలాంజనములతో – మాణిక్య మణులతో (2)
సువర్ణ శునీయముల – సూర్య కాంతముతో (2)
ప్రశస్త రత్నములతో (2)
ప్రవిమలముగా నిను గట్టెదను (2) ||స్వఛ్చంద||
4. సుమముల హారము
సంతోషానంద తైలము నీదే – స్తుతి వస్త్రమును నీదే (2)
ఉల్లాస వస్త్రంబు నీదే – విడుదలయి నీదే (2)
హిత వత్సరము విముక్తి (2)
ఆత్మాభిషేకము నీదే (2) ||స్వఛ్చంద||
5. జలములలో బడి దాటునప్పుడు
బలమై యుండెదను – నీ తోడై యుండెదను (2)
నదులలో వెళ్లునప్పుడు – నీపై పారవు (2)
అగ్ని మధ్యను నడచినను (2)
జ్వాలలు నిను కాల్చగ లేవు (2) ||స్వఛ్చంద||
6. ఇత్తడి తలుపుల బగుల గొట్టెద
నినుప ఘడియలను – విడగొట్టెదను నేను (2)
అంధకార స్థలములలో ను-న్నట్టి నిధులను (2)
రహస్యములో మరుగైన (2)
ధనమును నీ కొసంగెదను (2) ||స్వఛ్చంద||
7. గర్భమున పుట్టినది మొదలు
తల్లి యొడిలోన – కూర్చుండినది మొదలు (2)
నేను చంక బెట్టుకొన్న – నాదు ప్రజలారా (2)
ముదిమి వచ్చుఁ వరకు నిన్ను (2)
ఎత్తుకొను వాడను నేనే (2) ||స్వఛ్చంద||