పల్లవి:
లేచినాడురా సమాధి గెలిచినాడురా
యేసు యేసు లేచినాడురా సమాధి గెలచినాడురా
లేతునని తాఁజెప్పినట్లు - లేఖనములో పలికినట్లు ||లేచి||
1. భద్రముగ సమాధిపైన - పెద్దరాతిని యుంచిరి భటులు
ముద్రవేసి రాత్రియంత నిద్ర లేక కావలియున్న ||లేచి||
2. ప్రభువు దూత పరము నుండి - త్వరగ దిగి రాతిని దొర్లించి
భళిర దానిపై గూర్చుండె భయము నొంద కావలి వారు ||లేచి||
3. ప్రొద్దు పొడవకముందె స్త్రీలు సిద్ధపరచిన సుగంధములు
శ్రద్ధతోడ తెచ్చి యేసుకు - రుద్దుదామని వచ్చిచూడ ||లేచి||
4. చూడ వెళ్ళిన స్త్రీలను దూత - చూచి యిపుడు వారి తోడ
లేడు గలిలయ ముందుగా పోతున్నాడు - అప్పుడే లేచినాడనె ||లేచి||
5. చచ్చిపోయి లేచినాడు - స్వామి భక్తుల కగుపడినాడు
చచ్చినను నను లేపుతాడు - చావు అంటే భయపడరాదు ||లేచి||
6. నేను చేసే పనుల నెరుగు - నేను నడిచే మార్గ మెరుగు
నేను జెప్పిన మాట లెరుగు - నేను బ్రతికే బ్రతుకు నెరుగు ||లేచి||
7. నేను లేచిన యేసునందు - మానకను మది నమ్ముకొందు
తాను నాలో నుండి నందున - దయను జేర్చును మోక్షమందు ||లేచి||
8. పాప భారము లేదు మనకు - మరణ భయము లేదు మనకు
నరక బాధ లేదు మనకు - పరమ తండ్రి యేసు ప్రభువు ||లేచి||
9. యేసునందే రక్షణ భాగ్యం - యేసునందే నిత్య జీవం
యేసునందే ఆత్మ శాంతి - యేసునందే మోక్ష భాగ్యం ||లేచి||
10. పాపులకై వచ్చినాడు - పాపులను కరుణించినాడు
పాపులను ప్రేమించినాడు - ప్రాణ దానము చేసినాడు ||లేచి||