పల్లవి:
యేసు ప్రభువు సిలువ మీద ఏడు మాటలు – ఆశతోడ బల్కెను- భాసురంపు పల్కులు – దాసజనులు దలపోయదండి ధైర్యమిచ్చును
1. తండ్రీ వీరు చేసేదేమో – తెలియకున్నారు దండింప వద్దని దయతోడ వేడెను – నిండు జాలి శత్రువులపై మెండు తాల్మి జూపెను
2. -చూడు నీవు పరమునందు నేడే యుందువు తడవేల నాతోడ నని తెల్పె దొంగతో కడుదీనత వేడ పాపిని కరుణ తోడ గాచెను
3. అమ్మాయిదిగో నీ కుమారుడంచు తల్లితో నెమ్మితోయో హానును- నమ్మకంపు శిష్యుని – ఇమ్ముగా మరియమ్మ తల్లిగా సమ్మతితో జూపెను
4. చెప్పరాని తాపమొంది గొప్ప బాధచే దప్పిగొనుచు న్నానని దండి కేక వేసెను – దప్పి బాధ తీర్చలేక చేదు చిరక నిచ్చిరి
5. నాధా దేవ నాదు చేయి – నేల విడిచితి – నన్నేల వీడితి వని కేక వేసెను బాధలెంతో హెచ్చుకాగా బహుగా విలపించెను
6. సకల వరుల రక్షణంబు – సిలువ యందున సమకూడె గావున – స్వామి యొక్క కార్యము – ఇక సమాప్తమైనదంచు వీకతో ప్రకటించెను
7. తండ్రీ నాదు ఆత్మ నీకు నిండు ప్రేమతో అప్పగించుచున్నాని చెప్పి ప్రాణం వీడెను – మెండు శాంతి తోడ యేసు మెల్లగా నిద్రించెను